«Муус устар» ыччат бэстибээлигэр куонкурустарга биэс тыһыынча кэриҥэ сайаапка киирбитэ бэлиэтэнэр.
Бу тэрээһиҥҥэ 12 трекка уонна «Бастыҥ Арктика оройуона», «Бастыҥ ыччат оройуона/куораттааҕы уокуруга» категорияларга кыайыылаахтары быһаарыахтараэ
Бэстибээл тэрийээччилэрэ этэллэринэн, Нерюнгри оройуона бастыҥнар кэккэлэригэр инники күөҥҥэ сылдьар, спорт, искусство хайысхаларыгар, эдэр исписэлиистэр куонкурустарыгар бэйэлэрин бырайыактарын билиһиннэрбиттэр.
«»Саха сирин доброволецтара» регионнааҕы бириэмийэҕэ биһиги волонтердарбыт түөрт категорияҕа түһэрилиннилэр. Биһиги волонтердарбыт ааспыт бэстибээллэргэ кыайбыттара, миэстэлэспиттэрэ, онон олус кинилэринэн киэн туттабыт. Быйыл биһиги үчүгэй бэлэмнээхпит, өрөспүүбүлүкэҕэ оройуоммут чиэһин көхтөөх, кыахтаах ыччат көмүскүөҕэ», – диэн Нерюнгри оройуон ыччатын бэлиитикэтин отделын салайааччы Анастасия Палагина эттэ.
Ону таһынан хотугу улуустарга сүүмэрдиир түһүмэҕи дистанционно ыыттылар, ол эрээри финалга муниципалитет делегациялара толору састааптаах кэлэллэрэ биллэр. Холобур, Булуҥ улууһугар сүүмэрдиир түһүмэххэ 80 кэриҥэ киһи кыттыбыт. Анаабырга ыччат «Стартуй к бизнесу!» трекка көхтөөхтүк кыттар.
«Муус устар» бэстибээл түмүктүүр түһүмэҕэ кулун тутар 24-25 күннэригэр Дьокуускайга буолуоҕа.
