СӨ олох-дьаһах коммунальнай хаһаайыстыбатын миниистирэ Вячеслав Емельянов Чурапчы ОДьКХ филиалын үлэһиттэрин «Мындаҕаайы» СХПК сүөһүнү иитэр комплексыгар ититиини сөргүтүү үлэтигэр көмөҕө ыытарга соруйда. Бу туһунан министиэристибэ пресс-сулууспата иһитиннэрэр.
«Үөскээбит балаһыанньа кэккэ нэһилиэнньэлээх пууннарга электро-эниэргийэ резервэтэ бигэтэ суоҕун көрдөрдө. Муниципальнай тэриллиилэр ититиини сөргүтүү үлэтинэн суһал иһитиннэриилэри ОДьКХ сүрүн управлениетын ыстаансыйатыгар тиэрдэргитигэр көрдөһөбүн», — диэтэ миниистир.
Билиҥҥи туругунан, Мындаҕаайы сэлиэнньэтигэр итиинэн үрдэрэр тэриллээх уонна дизель-генератордаах исписэлиистэр бөлөхтөрүн ыыттылар.
Санатан эттэххэ, «Мындаҕаайы» сүөһүнү иитэр комплекса ититиитэ суох хаалбыт, 380 төбө ынах-сүөһүлээх хотоҥҥо, түөрт кыбартыыралаах дьиэҕэ хааччахтаммыт.
