Ил Дархан Айсен Николаев муус устар 26 күнүгэр «Быһа линияҕа» ипһитиннэрбитинэн, Нам улууһун Нам сэлиэнньэтигэр бу сылга 450 миэстэлээх оскуола тутуута саҕаланыаҕа.
«Тутууну 2024 сылга бүтэрэр былааннаахпыт», — диэн эттэ.
Эбийиэк бырайыактаах сметатын оҥорон бүтэрбиттэр, судаарыстыбаннай экспертизэттэн көҥүл ылбыттар. Оскуола «Өрөспүүбүлүкэ төрүттэниитин сайдыыта» өрөспүүбүлүкэ судаарыстыбаннай бырагырааматыгар киирбит. Билиҥҥи туругунан үбүлээһиҥҥэ наадыйыы туһунан суругу дойду үөрэхтээһиҥҥэ министиэристибэтигэр ыыппыттар.
Билигин оҕолор 1961 сыллаахха тутуллубут мас оскуолаҕа үөрэнэллэр. Саҥа оскуоланы тутуу 620 мөлүйүөнтэн тахса солкуобайга сыаналанар.
