Бу туһунан нэһилиэк баһылыга Борис Бугаев иһитиннэрдэ. Манна уу муҥутуур таһыма 897 см буоллаҕына, ыам ыйын 21 күнүнээҕи туругунан, күнүс 14:00 чааска 928 см-га тэҥнэспит, 30 тиэргэн ууга былдьаммыт.
«Икки чааһынай уонна биир уопсай дьиэҕэ уу киирдэ, икки дьиэ ууга барбыт, муостатын уу бүрүйбүт. Быстах кэмҥэ олорор пууҥҥа икки киһилээх дьиэ кэргэн киирбит, манна уопсайа 180 киһи олоруон сөп», — диэтэ нэһилиэк баһылыга.
Борис Бугаев бэлиэтээбитинэн, бөһүөлэк суоллара ууга барбыттар, итиэннэ Сыгынньах — Харыйалаах муостатын уу ылбыт.
«Уу эбиллэ турар, ыксаллаах быһыыга-майгыга бэлэммит. Икки быыһааччы, быраабы араҥаччылыыр уорган үлэһитэ уонна Нам улууһун дьаһалтатын бэрэстэбиитэлэ кэллэ», — диэн Арбын баһылыга эбэн эттэ.
