Нам улууһун Хатырыгар култуура-спорт киинин бастакы сыбаайатын уурдулар. Эбийиэги 2023 сыл бүтүөр диэри түмүктүөхтэрэ.
«Саха сирин 100 сылыгар автономияны төрүттээччилэртэн биирдэстэрэ, улахан уопсастыбаннай деятель Максим Аммосов 125 сыллаах үбүлүөйүн бэлиэтиибит. Ил Дархан өйөбүлүнэн Хатырыкка саҥа оҕо уһуйаанын туталлар, оскуоланы өрөмүөннүүллэр, нэһилиэккэ диэри асфальт суол тэлгэннэ. Бүгүн элбэх функциялаах киин бастакы сыбаайатын түһэрдибит», – диэбит оройуон баһылыга Юрий Слепцов.
Киини инвестиционнай бырагырааманан туталлар, манна универсальнай спортивнай саала, 60 миэстэлээх оҕо искусствотын оскуолата, «Сайдам» норуот айар киинэ, 150 миэстэлээх аактабай саала, библиотека баар буолуоҕа.
Саха сиригэр быйыл ыам ыйыгар диэри 100 саҥа тутуу баар буолуоҕа, үгүстэрэ номнуо тутуллан бэлэмнэр — медицинскэй кииннэр, олорор дьиэлэр, аэровокзаллар, оскуолалар, оҕо уһуйааннара, култуура, спорт комплекстара.
