Сэтинньи 10 күнүттэн Нам улууһугар көһө сылдьар биригээдэ нэһилиэнньэҕэ вакцинацияны ыытар. Бу туһунан улуус дьаһалтатын пресс-сулууспата иһитиннэрэр.
Быһыыны биэрэр хампаанньа коронавируһу утары вакцинаны харайыы уонна тиэйии усулуобуйатын тутуһаллара бэлиэтэннэ.
Ол курдук, коронавирустан утары быһыыны Ымыйахтаахха, Бөтүҥҥэ, Никольскайга, Партизаҥҥа, Түбэҕэ, Граф Биэрэгэр, Салбаҥҥа 250 киһи ылбыт. Быыбарга биэс вакцин бэриллэр: «Спутник V», «ЭпиВакКорона», «Спутник Лайт» уонна «Ковивак».
«Билигин быһыыны биэрэр хампаанньа үлэтэ түргэтээтэ, дьон эппиэтинэстээхтик сыһыаннаһар, бэйэтин уонна чугас дьонун доруобуйатын харыстаан быһыыны ылар, мобильнай көһө сылдьар биригээдэ быһыыны түргэнник туруорар», — диэн Нам киин балыыһатын кылаабынай бырааһа Ариан Сергеев эттэ.
Бу нэдиэлэҕэ мобильнай биригээдэ Аппааны сэлиэнньэтигэр сэтинньи 22 уонна 23 күннэригэр, бастакы Хомустаах сэлиэнньэтигэр — сэтинньи 24 күнүгэр, Хамаҕатта сэлиэнньэтигэр — сэтинньи 25 күнүгэр, Хатырык сэлиэнньэтигэр — сэтинньи 26 күнүгэр сылдьыахтара.
.
