Өрөспүүбүлүкэҕэ Судаарыстыбаннай Дума дьокутааттарын быыбара салҕанар. Балаҕан ыйын 18-гар быыбар учаастактарыгар өрөспүүбүлүкэ 153 тыһыынчаттан тахса олохтооҕо сылдьыбыт.
Экспертэр саныылларынан, саха дьоно быйылгы быыбарга үрдүк көҕүлээһиннэрэ өрөспүүбүлүкэ кэскилигэр кылааттарын киллэрэргэ бэлэм буолууларынан быһаарыллар.
«Саха сиригэр уонна Уһук Илин быыбардааччылар көхтөөх кыттыыларын маннык быһаарыахха сөп. Быыбар буолуон икки нэдиэлэ иннинэ бырабыыталыстыба 2036 сылга диэри Уһук Илин сайдыытын стратегиятын баттаспыттара. Дойду барыта баартыйалар икки ардыларыгар талар сиригэр ДФО олохтоохторо чопчу сайдыы былааннарын иһин дьиҥнээхтик куоластыыллар. Докумуону бэрэсидьиэн сорудаҕынан Юрий Трутнев хамаандата бэлэмнээбитэ. Стратегияны дьүүллэһиигэ Уһук Илин бары 11 регионуттан үс тыһыынчаттан тахса киһи кыттыбыта. Онно олоҕуран олохтоохтор сүрүн боппуруостара-энергетика, суол-иис, дьиэ-уот, оскуола уонна балыыһа. Онон дьон-сэргэ РФ бэрэсидьиэнэ дьон олоҕун тупсарыыга хайысхатын салгыырга куоластыыллар», – диэтэ ВШЭ судаарыстыбаннай уонна муниципальнай управлениетын кафедратын сэбиэдиссэйэ Наталья Кашперская.
