Дьокуускайга тутуллуохтаах Үүнэр көлүөнэ пааркатын Казаньҥа Татарстаҥҥа Саха сирин күннэрин чэрчитинэн билиһиннэрдилэр.
Пуонда дириэктэрэ Владимир Егоров этэринэн, паарканы тутуу быйыл саҕаланыахтаах. «Паарка сылы быһа үлэлиэҕэ. 2,4 галаах сиргэ оҕону, ыччаты сайыннарар, сынньатар эйгэ оҥоһуллуоҕа», — диир кини.
Пааркаҕа аһаҕас халлаан анныгар араас тэрээһиннэр ыытыллыахтара. Манна баар үөрэх киинигэр ханнык баҕарар быһыылаах тэрээһини ыытарга табыгастаах буолуоҕа. Аныгы паарка гибриднэй форматтаах — ыччат, оҕолор бырайыактыыр үлэҕэ сысталларыгар, цифровой технологияҕа, урбааҥҥа үөрэнэллэригэр бары усулуобуйа тэриллиэҕэ.
Бырайыак Ил Дархан Айсен Николаев көҕүлээһининэн тутуллар.
