Нерюнгригэ аэропорду саҥардыы үлэтэ сэтинньигэ түмүктэнэр. Бу туһунан Саха сирин баһылыгын уонна бырабыыталыстыбатын пресс-сулууспата иһитиннэрэр.
Үлэ хаамыытын Саха сирин Ил Дархана Айсен Николаев бэрэбиэркэлээтэ. Билигин аэропорка уу түһэрэр тэриллэрин, көтөр-түһэр балаһа үөһээ уонна аллараа араҥатын бетонунан сабаллар, ону тэҥэ светосигнальнай тэрили таҥыы үлэтэ бара турар. Ол кэннэ көтөр-түһэр балаһаҕа лицензия оҥоһуллуоҕа.
Бүгүҥҥү күҥҥэ тутуу бэлэмэ 59,3%-ҥа тэҥнэһэр, болдьохтон хаалыы суох.
«Айсен Николаев көтөр-түһэр балаһаны көрөн баран Нерюнгри аэропорда үлэтин сөргүтүү 2021 сыл сэтинньи ыйыттан хойутуо суохтаах диэн тоһоҕолоон бэлиэтээтэ», — диэн иһитиннэриигэ этиллэр.
Ону тэҥэ 2022 сылга аэропорка тутуу үлэтэ салҕаныаҕа: аэровокзалы, ГСМ ыскылааты, аварийнай-быыһыыр ыстансыйалары өрөмүөннүөхтэрэ.ъ
Нерюнгри аэропордун көтөр-түһэр балаһатын саҥардыы үлэтэ 2024 сылга диэри кэмҥэ магистральнай инфраструктураны саҥардыы уонна кэҥэтии кэлим былаанын чэрчитинэн көрүллэр.
