Нерюнгри оройуонун Иенгра сэлиэнньэтигэр «Эдэр табаһыт» оҕо хамсааһынын сайыннараллар. Хамсааһын сүрүн сыалынан эбэҥки төрүт үгэһин уонна үөрүйэхтэрин ыһыктыбахха кэлэр көлүөнэ ыччакка тириэрдии буолар.
Кылаас таһынан үөрэх тэҥэ, өрөбүллэргэ уонна каникул кэмигэр таба ыстаадаларыгар практическай дьарыктарга сылдьаллар. Оҕолорго эбэҥки норуотун төрүт ооннььуулара уонна таба сүүрдүүтэ ыытыллар.
«Биһиги хамсааһыммыт 30-ча оҕону хабар, сылын ахсын кыттааччы ахсаана эбиллэн иһэр. Оҕолор оонньуу быһыытынан таба иитии үөрүйэхтэригэр уһуйуллаллар. Интернатка олорор оҕо барыта ыстаадаҕа төрөппүттэригэр барар кыаҕа суох», — диэн хамсааһын салайааччыта Алена Колесова кэпсээтэ.
Кулун тутар ый саҥата Иенграҕа үгэс буолбут «Табаһыт күнэ» бэлиэтэнэр, онно хамсааһын иитиллээччилэрэ улахан дьону кытта тэҥҥэ күрэстэһэн, бэйэлэрин сатабылларын көрдөрүөхтэрэ.
