«Восточная Денисовская» шахта сууллуутугар суорума суолламмыт үлэһит дьиэ кэргэнигэр туһааннаах көмөнү барытын оҥоруохтара. СӨ бырамыысаланнаһын уонна геология министиэристибэтэ чугас дьонугар дириҥ кутурҕанын биллэрэр.
Матырыйаалынай көмөнү «Колмар» кэлэктиибинэй дуогабарыгар, федеральнай салаа сөбүлэҥэр олоҕуран оҥоруохтара.
Миэстэтигэр силиэстийэлиир суһал сулууспа үлэтин ыытар. Быһылаан тахсыбыт биричиинэтин, балаһыанньатын көрөн сөргүтүү үлэтин сыаналыахтара.
Санатан эттэххэ, саахал «Восточная Денисовская» шахтаны хаһыы кэмигэр тахсыбыт. Бу учаастакка уопсайа түөрт киһи үлэлии сылдьыбыта бэлиэтэнэр, онтон үһэ эвакуацияламмыт, биир киһи тыына быстыбыт.
