Нерюнгригэ табаны иитиигэ норуот икки ардыларынааҕы чемпионат салҕанар. Ол курдук, бүгүн табаһыттар хамаанданан булт хайыһарынан сүүрэн күрэстэстилэр, үстэ төхтүрүйэн ыстаннылар.
Чемпионат сүрүн судьуйата Андрей Сидоров күрэхтэһии иккис күнүн кыайыылаахтарын иһитиннэрдэ.
Ол курдук, булт хайыһарынан сүүрүү, хамаанданан эстафета:
1 миэстэ – Ханты-Мансийскай автономнай уокурук (13 мүн. 56,87 сөк.);
2 миэстэ – Ненецкэй автономнай уокурук (14.37,07);
3 миэстэ – Саха сирин иккис хамаандата (15.45,90).
Үстэ төхтүрүйэн ыстаныыга, дьахталларга:
1 миэстэ – Анастасия Хвастанцева (Чукотка), (6, 6 миэтирэ);
2 миэстэ – Любовь Лаптева (Саха сирин иккис хамаандата) (5, 94 м);
3 миэстэ – Кристина Фолькова (Красноярскай кыраай), (15.45,90).
Үстэ төхтүрүйэн ыстаныыга, эр дьоҥҥо:
1 миэстэ – Айтал Аммосов (Саха сирин бастакы хамаандата), (9,16 миэтирэ);
2 миэстэ – Эрик Адер (Ямал) (8, 98 м);
3 миэстэ – Евгений Кусамин (Красноярскай кыраай), (8,54 м).
Икки күн түмүгүнэн уопсайга Ямало-Ненецкэй автономнай уокурук бастаан иһэр, Ханты-Мансийскай автономнай уокурук – иккис, Уһук Илин аҕыйах ахсааннаах хотугу норуоттарын ассоциациятын сүүмэрдиир хамаандата – үһүс.
