Алтынньы 1-3 күннэригэр Хаҥалас улууһун Чапаево сэлиэнньэтигэр СӨ бастакы бэрэсидиьэнэ Михаил Николаев кэриэһигэр «Кэскили түстүүр идиэйэлэр/Идеи, создающие будущее» диэн III Николаевскай форум ыытыллыаҕа. Форумҥа өрөспүүбүлүкэ эдэр исписэлиистэриттэн 350-тэн тахса сайаапка киирбитэ муҥутуур көрдөрүү. Сүүмэрдээһин кэнниттэн форумҥа Саха сирин 22 оройуонуттан 80 киһини ыҥырбыттар.
Сүүмэрдэммит кыттааччылар ортолоругар нэһилиэк баһылыктара, улуус баһылыгын солбуйааччылар, оскуола дириэктэрдэрэ, педагогтар, урбаанньыттар, инженердэр, суруналыыстар бааллара бэлиэтэнэр. Кыттааччылар орто саастара – 28,5.
Быйыл форум сүрүн сыалынан инвестициялары тардар, муниципалитеттар экономикаларын бигэ туруктаах оҥорор, ону тэҥэ тыа хаһаайыстыбатын уонна урбааны сайыннарар бырайыактары олоххо киллэрии буолар.
Форум тэрийээччитэ – Ил Түмэн иһинэн үлэлиир Ыччат парламена.
