ГАИ үлэһиттэрэ Үөһээ Бүлүү улууһугар Ньурбаҕа массыынаны уорбут итирик эр киһини туттулар. Бу туһунан СӨ Суолга куттал суох буолуутун судаарыстыбаннай инспекциятын пресс-сулууспата иһитиннэрэр.
Суол постка турар сулууспатын инспектордара уоруллубут массыынаны «Бүлүү» суолун 660 килэмиэтригэр бэлиэтии көрбүттэр.
«Суолга куттал суох буолуутун судаарыстыбаннай инспекциятын үлэһиттэрэ массынаны тохтотууларыгар суоппар хардарбакка айанныы турбут. Массыынаны «Бүлүү» федеральнай айан суолун 607 килэмиэтиргэр тохтоппуттар. 23 саастаах ГАИ инспектордарыттан саһа сатаабыт суоппар итиригэ биллибит», — диэн иһитиннэриигэ этиллибит.
Инники дьүүллээһиҥҥэ суоппары Бүлүү улууһун ис дьыала минитиэристибэтин отделын суолга куттал суох буолуутун судаарыстыбаннай инспекциятын отделениятыгар тириэрдилиннэ.
