Ньурба улууһун Иван Николаев Бытык-Уйбаан аатынан Күндээдэтээҕи хаһаайыстыбатыттан 18 семминтальскай боруодалаах туҥуйу Мэҥэ Хаҥалас оройуонун «Чүүйэ» тэрилтэтигэр аҕаллылар.
Сүөһүлэри оройуоҥҥа анал тырааныспарынан ааспыт нэдиэлэҕэ аҕалбыттар. Кинилэр доруобуйаларын туруга үчүгэй, билигин 30 күннээх профилактическай харантыыҥҥа бардылар диэн оройуоҥҥа тыа хаһаайыстыбатын салайааччыта Иннокентий Семенов эттэ.
«Бу сылга төрөөһүнү саҥардарга, хааны кутарга уонна 40 боруода сүөһүнү ыларга субсидияны ыллааччылар куонкурус сүүмэрдээһинигэр кытыннылар. Ааспыт сыл Смоленскай уобалагыгар сүөһүнү талыыга сылдьыбытым, Билигин Ньурба оройуонугар сырыттым. Иван Николаев Бытык-Уйбаан аатынан Күндээдэтээҕи акционернай уопсастыба семментальскай боруода үүттээх сүөһүтүн сэргээтим», — диэтэ Иван Петров.
Маны тэҥэ хаһаайыстыба 20 сүөһүнү ыларыгар «Тумул» уонна «Хорообут» хампаанньалары кытта илии баттаста. Билигин «Чүүйэ» хаһаайыстыбатыгар 334 төбө сүөһүлээхтэр, ол иһигэр 120 ыанар. Үүт бэлэмнээһин сыллааҕы былаана 500 туонна эбит буоллаҕына, бүгүҥҥү күҥҥэ 430 туонна бэлэмнэннэ.
