Кырачааннарга Сергей Козлов «Тили-мили Трамдия» айымньытын, ону сэргэ Алексей Балакаев суруйуутунан «Ийэ сүрэҕэ» испэктээкили көрдөрөн, көрөөччү кутун туттулар диэн Харбалаахтан Валентина Кривошапкина санаатын үллэстэр.
Туруорааччылар — режиссер СӨ култуура үтүөлээх диэйэтэлэ Юрий Макаров, худуоһунньук Дарья Тартакынова.
Сүрүн оруоллартан биирдэстэригэр «Уот Дьулустааҥҥа» эбээ Маайаны оонньообут Майя Слепцованы Ойууна оруолугар астына көрбүттэр. Киһи үөрэрэ, Пүрбээ-сүрүн оруолга Таатта уола Никита Григорьев олус чаҕылхайдык оонньоон, кэнэҕэһин кэскиллээх артыыс буолар чинчилээҕин итэҕэтэн үөртэ.
Бу бөлөҕү Ньурба Хатыытыттан төрүттээх Леонид Александрович Анисимов салайан илдьэ сылдьар. Кини көрөөччүлэргэ туһаайан эттэ:
«Биир Иван Васильевич Николаев төрүттээбит бөһүөлэгэр кэлэн, бар дьонугар үөрүүнү бэлэхтээбиппит биһиэхэ олус долгутуулаах! Үгүс көрөөччү кэлбититтэн үөрдүбүт!».
Бу испэктээкилгэ уот-күөс, тыас-уус, дьүрүл сүрүн оруолу ылан, көрөөччү биир тыынынан ылынар эйгэтин үөскэттэ. Уоту-күөһү Константин Михайлов, дьүрүлү Станислав Фокин кыайа-хото туттулар.
