Россияҕа быйыл оҕолорго коронавируһу утары быһыыны (прививка) оҥорботтор. Бу туһунан Доруобуйа харыстабылын миниистирэ Михаил Мурашко эппит.
«Билигин вакцина дьайыытын үөрэтэбит. Кыра оҕолорго дьайыытыгар эбии тургутуулары оҥоробут. Ол кэннэ, вакцина хайдах үлэлиирин билэн баран биирдэ, оҕолору быһыылыыры толкуйдуохпут. Холобур, диабеттаах оҕолорго туспа болҕомто ууруллуон наада. Оттон аҕам саастаах быраастарга уонна учууталларга вакцинаны бастатан туран ылалларыгар сүбэлиибит», – диэтэ Мурашко.
Кини төрөппүттэргэ оскуолаҕа оҕолору ыытыах иннинэ быраастары кытта сүбэлэһиҥ диэтэ. Билигин вакцинаны улахан дьоҥҥо хайдах дьайарын эбии чинчийэллэр.
Роспортребнадзор хотуна Анна Попова сайыҥҥы сынньалаҥ лааҕырдарыгар биир даҕаны оҕо ыалдьыбатаҕын туһунан эттэ. «Биир мөлүйүөнтэн тахса оҕо лааҕырга сынньанна. Аан дойдутааҕы доруобуйа харыстабылын тэрилтэтэ чинчийбитинэн, улахан дьон оҕолортон сысталлара олох аҕыйах», — диэтэ кини.
