Өрөспүүбүлүкэҕэ олунньу саҕаланыаҕыттан оҕолор ортолоругар коронавируһунан ыалдьыы ахсаана үс төгүл аҕыйаабыт. Бу туһунан өрөспүүбүлүкэтээҕи суһал штаб иһитиннэрэр.
«Олунньу саҕаланыаҕыттан ыалдьыбыт дьон ахсаана 4,2 төгүл намтаабыт, ону тэҥэ оҕолорго ыалдьыы ахсаана 3,1 төгүл аҕыйаабыт», — диэн иһитиннэриигэ этиллэр.
Нэдиэлэ устата балыыһаҕа киирии 13,1%-нан намтаабыт. Ол курдук, ааспыт сууккаҕа 901 түбэлтэ бэлиэтэммититтэн 68 киһи балыыһаҕа киирдэ.
Олунньу 22 күнүнээҕи туругунан 7,7% ыарыһах балыыһаҕа сытар, 92,3% киһи амбулаторно эмтэнэр. 40%-н түбэлтэ «дельта» штамы кытта сибээстээх. Быһыы ылбатах дьон ыараханнык ыалдьар.
Суукка устата 743 киһи үтүөрдэ.
Дьокуускайга эпидимиологическай балаһыанньа тупсан, нэһилиэнньэ олохтоохторун көрөр поликлиникалар, балыыһалар, медицинскэй тэрилтэлэр үлэлэрин сөргүтэллэр.
