Быйыл Өлүөхүмэ уонна Ленскэй оройуоннарыгар ойуур баһаардарын утары охсуһууга анаан көтөр салаалар арыллыахтара. Баһаартан куттала суох буолуу билгэтэ соччото суоҕун СӨ бастакы вице-премьерэ Дмитрий Садовников СӨ Бырабыыталыстыбатын отчуотун түмүктүүр биэриитигэр иһитиннэрдэ.
«Быйыл биһиги Өлүөхүмэ уонна Ленскэй оройуоннарыгар икки саҥа көтөр салааны тэрийиихпит. Үлэ тупсуохтаах. Ол эрээри сайыҥҥы билгэнэн балаһыанньа соччото суох буоларын күүтэбит. 2024 сылга Өлүөхүмэ улууһугар хайалаах сирдэргэ баһаардар үөскээбит буоланнар үлэбитигэр уустуктар үөскүү сылдьыбыттара. Биһиги уоттар нэһилиэнньэлээх пууннарга чугаһаабаттарын туһугар үлэни ыыппыппыт. Ааспыт сылга үс зондировщик-сөмөлүөт үлэлээбитэ», — диэн Дмитрий Садовников бэлиэтээтэ.
