Муниципальнай тэрилиигэ билигин даҕаны балаһыанньа ыарахан. Ол курдук, 200 тыһ. га иэннээх 32 ойуур баһаара турар. Уоту умуруорууга 530 киһи кыттар. Бу көрдөрүү Саха сирин баһаары утары үлэлиир дьон ахсааныттан үс гыммыт биирэ буолар.
Бүгүн Өлүөхүмэ улууһугар «Авиалесоохрана» 179 парашютиһа уонна десантнига, 110 ойуур баһаарынайа, РФ ЫБММ сүрүн управлениетын уонна судаарыстыбаннай баһаары утары сулууспа 52 үлэһитэ, 5 арендатор бэрэстэбиитэлэ ойуур баһаарын умруорууга үлэлииллэр.
«Өлүөхүмэ улууһугар улахан күүс-көмө бара турар. Былаан быһыытынан ойуур баһаарыгар олохтоох дьонтон 60-тан тахса киһи үлэлиир. Олохтоох дьон ахсаана элбэх буолбатах. Холобур, Үөһээ Бүлүү улууһугар алта ойуур баһаарын умуруоруутугар 200-тэн тахса олохтоох киһи кыттар», — диэн СӨ бастакы вице-премьер Дмитрий Садовников бэлиэтээтэ.
