Өрөспүүбүлүкэтээҕи суһал штаб салайааччытын солбуйааччы Ольга Балабкина этэринэн, өрөспүүбүлүкэҕэ COVID-19 ыарыы 40% түбэлтэтэ дельта штамы кытта сибээстээх.
«Өскөтүн амбулаторно эмтэнэ сылдьан ыарыыгыт бэргээтэҕинэ эмтиир бырааскытыгар биллэрэҕит», — диэн вице-премьер бэлиэтээтэ.
COVID-19-нан ыалдьыбыта бигэргэммит 1 423 киһиттэн балыыһаҕа 88 киһи киирбит, ол эбэтэр 6,2%-ҥа тэҥ.
Дьокуускайга эпидемиологическай балаһыанньа кыратык тубуста. Ону тэҥэ улуустарга ыарыы ахсаана элбээбитэ көстөр. Ол курдук ааспыт сууккаҕа киин куоракка 38,3% киһи ыарыйда, улуустарга 61,7%. Вице-премьер бэлиэтээбитинэн, оройуоннарга медицинскэй көмө оҥоһуллар.
Бастакы компонены 590 257 киһи ылбыт, ол эбэтэр өрөспүүбүлүкэ нэһилиэнньэтин аҕа саастаах дьонун 82,3%-гар тэҥ. Ревакцинацияны 139 344 киһи ааспыт — быһыыны ылыы иккис түһүмэҕин ылар болдьохторо туолбут дьон 58,4%-на.
Ольга Балабкина этэринэн, Нерюнгригэ, Мэҥэ Хаҥаласка, Алдаҥҥа, Өймөкөөҥҥө уонна Дьокуускайга быһыыны туруоруу тэтимэ бытаан.
Олунньу 18 күнүнээҕи туругунан балыыһаҕа 7,2% эмтэнэр, амбулаторно – 92,8%. Суукка устата Саха сиригэр 3 982 киһи үтүөрдэ.
