От ыйын 26 күнүттэн Франция киин куоратыгар Парижка 33-с сайыҥҥы Олимпийскай оонньуулар саҕаланаллар.
Быйылгы оонньууларга хомойуох иһин Россия сүүмэрдэммит хамаандата толору састаабынан кыттыбат. Аан дойдутааҕы Олимпиада кэмитиэтин быһаарыытынан, Олимпиадаҕа 15 эрэ спортсмен Россия аатыттан кыттар чиэскэ тигистэ. Кинилэр бары нейтральнай спортсмен быһыытынан күрэхтэһиэхтэрэ.
Теннис: Павел Котов, Елена Веснина, Даниил Медведев, Роман Сафиуллин, Мирра Андреева, Екатерина Александрова, Диана Шнайдер.
Байдарканан уонна каноэнан эрдээһин: Захар Петров, Алексей Коровашков, Олеся Ромасенко.
Велоспорт: Алена Иванченко, Тамара Дронова, Глеб Сырица.
Батут: Анжела Бладцева.
Харбааһын: Евгений Сомов.
Оттон Саха сириттэн буолаары турар Олимпийскай оонньууларга көҥүл тустууга Владимир Егоров (Хотугу Македония), Айаал Лазарев (Кыргызстан), Виктор Рассадин (Таджикистан) уонна Георгий Окороков (Австралия), марафоҥҥа Сардана Трофимова (Кыргызстан) кытталлара күүтүллэр.
