Наталья, Эдуард Эконовтар дьиэ кэргэннэрэ бу сайын устата тэлгэһэлэригэр саха балаҕанын туттан үлэҕэ киллэрдилэр.
Көмүлүөк оһохтоох, наара ороннордоох, киэ-куоҥ иэннээх сахалыы тыыннаах дьиэ — олоҥхо балаҕана диэн сүрэхтэннэ.
Малааһыҥҥа дьиэлээхтэр чугастарын ыҥыран Кутанаттан Митрофан Семенов уонна Наталья Эконова бэйэтэ олоҥхолоон иһитиннэрдилэр. Наталья Ивановна култуураҕа өр кэмҥэ бухгалтерынан үлэлиир далбар хотун Никандр Тимофеевка уһуйуллан олоҥхону толорууга билигин бастыҥ киһибит. Улуустааҕы олоҥхо күрэстэрин кыайыылааҕа, Олоҥхо ыһыахтарын биһирэнэр олоҥхону толорооччута буолар. Мантан инньэ сунтаардар Олоҥхо балаҕаныгар олоҥхо истэр буолуохпут уонна Наталья Ивановна оҕолору норуот уус-уран айымньытыгар, төрүт култуураҕа бу балаҕаныгар уһуйар буолуоҕа. Бэрт да бэрт! Олоҥхо дойдута — Олоҥхо балаҕаннанна!
