Олоҥхоһут Юрий Борисов Уус Ньара олохтоохторугар олоҥхолоото

Быйыл Өймөкөөн улууһугар ыытыллар Олоҥхо ыһыаҕын чэрчитинэн научнай -методическай конференция ыытылынна. Тэрээһин кыттыылааҕа олоҥхоһут Юрий Борисов олохтоохторго олоҥхотун бэлэх уунна. Бу күн Уус Ньара кыраайы үөрэтэр түмэлигэр аан маҥнайгытын Олоҥхо дьиэрэйдэ. Олохтоохтор ыраахтан-чугастан уораҕайы толору мустубуттар. «Баһырҕастаах аттаах Баабый Боотур» диэн Юрий Борисов бэйэтэ айбыт олоҥхотун олус сөбүлээн, ылларан иһиттилэр, икки аҥар чаас ааспытын билбэккэ да хааллылар.