Кэлэр сууккаҕа Саха сирин баһыйар үгүс өттүгэр сөҥүү түһэрэ күүтүллүбэт. Өрөспүүбүлүкэ арҕаа, Халыма уонна Өлүөнэ алын тардыытынан кыралаан хаардыаҕа.
Булуҥ уонна Анаабыр кытылынан тибии түһүө. Күнү-дьылы кэтээн көрөөччүлэр иһитиннэрэллэринэн сөкүүндэҕэ 20 миэтэрэ түргэннээх тыал үрэрэ сабаҕаланар.
Киин улуустарга салгын температурата түүн -39… -44 °С, хотугулуу-илин -44… -49 °С, Өймөкөөҥҥө -49… -54 °С, арҕаа, соҕуруу -30… -35 °С, сорох сиринэн -23… -28 °С. Күнүс киин улуустарга -30… -35 °С, хотугулуу-илин -37… -42 °С, Өймөкөөҥҥө -43… -48 °С, арҕаа, соҕуруу -20… -25 °С, сорох сиринэн -14… -19 °С.
Дьокуускайга сөҥүү түһэрэ күүтүллүбэт, түүн, сарсыарда туманнаах, кыралаан тыал үрүөҕэ. Түүн салгын температурата -40… -42 °С, күнүс -32… -34 °С.
