Уһук Илиҥҥи экономическай форум чэрчитинэн омук инвестордарын кытта кэккэ стратегическай сөбүлэһиилэри түһэристилэр.
Бу туһунан ВЭФ түмүгүнэн түмүктүүр пресс-конференция хаамыытыгар Уһук Илини уонна Арктиканы сайыннырыыга миниистирэ Алексей Чекунков иһитиннэрдэ.
Чуолаан, «Технологизинг» бөлөх Япония хампаанньаларын кытары метанолга суудуналары оҥорон таһаарыы туһунан дуогабар түһэрсибит. Бырайыакка «Звезда»тутаах Уһук Илиҥҥи судоверфь үлэлиэҕэ.
CRCC Кытай инжиринговай хампаанньаларыттан биирдэстэрэ Приморскай кыраай Елена арыытыгар муостаны бырайыактааһын туһунан сөбүлэһии түһэрсибитэ, Владивосток массыына суола буолар. Бу Владивосток улахан агломерациятыгар аналлаах сүрүн тырааныспар бырайыага.
Уһук Илин сайдыытын корпорацията австрийскай хампаанньаны кытта ойууру уларытан оҥорууга кыамталары тутуу, фанералары оҥорон таһаарыы — бу ойуур салаатыгар дьоһуннаах дуогабар. Баимскай хостонор баайдаах сири сайыннарыы бырайыагын Казахстантан төрүттээх бөлөх олохх киллэрэр.
ВЭФ кыттыылаахтара уопсайа 3,6 трлн солк. суумалаах сөбүлэһиигэ илии баттастылар. Бу туһунан Уһук Илиҥҥэ Россия бэрэсидьиэнин боломуочуйалаах бэрэстэбиитэлэ Юрий Трутнев иһитиннэрдэ.
