Өрөспүүбүлүкэҕэ Сомоҕолоһуу сылын түмүктүүр өрөгөйдөөх тэрээһинигэр One clik Yakutia цифоровой платформа тестовай эрэһиимҥэ ыытылынна. Портал «Проблеманы кэтээн көрүү(мониторинг)» өҥөнөн үлэтин саҕалаата. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.
Бырайыак куорат уонна 14 улуус олохтоохторо былаас уорганнарын кытта онлайн эрэһиимҥэ холбоһон үлэлиир кыаҕы бөҕөргөттө. Yakutia.click ссылкаҕа киирэн, дьон кэрэхсиир ыйыытыыларын, ону кытары коммунальнай хаһаайыстыба эйгэтигэр сыһыаннаах, нэһилиэньэлэргэ олоҕу тупсарыы көҕүлээһинигэр бэйэлэрин сайаапкаларын ыытыахтарын сөп.
«Цифровой былаһаакка биир сүрүн уратытынан буолуо экология усулуобуйатын уопсастыбаннай кэтээн көрүү модуль. Итини олоххо киллэрии 2020 сылга былааннанар. Олохтоохторго уу, салгын туругун, сир киртийииитин хонтуруоллуур технологическэй өҥө тоҕоостоох буолуо. Россияҕа бастакытын эколгияны кэтээн көрүү (мониторинг) олохтоох дьон күүһүнэн барыа», — диэн инновация, цифровой сайдыы уонна инфокоммуникативнай технология миниистиэрэ Анатолий Семенов эттэ.
Сотору кэминэн One click Yakutia порталга олохтоохтор онлайн эрэсииминэн уопсастыбаннай иһитиннэриилэргэ кыттарга, араас бырайыактарга бэйэлэрин этиилэрин киллэрэргэ аналлаах «Аһаҕас иһитиннэрии» өҥө киирэрин туһунан бэлиэтээтэ.
One click Yakutsk 2013 сыллааха аһыллыбыт. Онно билигин 48 тыһыынчаттан элбэх киһи бэлиэтэнэр. «Проблеманы кэтээн көрүү (мониторинг)» өҥө көмөтүнэн 15 тыһыынча куорат проблемалара быһаарылынна.
