Үөһээ Халыма оройуонугар Дьокуускайдааҕы онкологическай диспансер исписэлиистэрэ 150 киһини көрбүттэр.
Онкологтар Уһун Күөл, Угольнай уонна Нелемнай сэлиэнньэлэргэ сырыттылар, ону тэҥэ ыарыһахтары Үөһээ Халыматааҕы киин балыыһаҕа көрбүттэр.
Улуус олохтоохторо онколог, маммолог, онкогинеколог быраастартан искэн ыарыытыгар сыһыаннаах, доруобуйаны харыстыыр туһунан элбэх сүбэлэри ылбыттар.
«Искэн ыарыытыттан өлүү ахсаанын намтатыы, олох таһымын орто кээмэйин уһатыы, нэһилиэнньэни көрүү бу доруобуйа харыстабылын сүрүн хайысхата, ол иһин онкодесант үлэтэ олус наадалаах. Эрдэ искэн ыарыытын буларга, дьон балыыһаҕа мөлтөх туруктаах киирбитин кэнниттэн булаллар этэ. Билиҥҥи кэмҥэ биһиги маннык түбэлтэлэр тахсыбаттарын туһугар миэрэлэри ылынабыт. Ыарыы төһөнөн эрдэ булуллар даҕаны, соччонон ыарыһах үйэтэ уһуур. Эрдэ көрдөрүннэххэ, ыарыыны кыра эрдэҕинэ быһаарар, эмтиир кыахтаахпыт», — диэтэ СӨ үтүөлээх бырааһа, научнай консультант, медицинскэй наука доктора, бөлөх салайааччыта Артур Протодьяконов.
Ол курдук, исписэлиистэр уопсайа 150 киһини көрбүттэр, УЗИ-ны ааспыттар.
«Онкодесант» мобильнай онкобиригээдэ сыллата ыраах сытар, сылдьарга эрэйдээх нэһилиэнньэлээх пууннарга баран үлэлиир. Биригээдэ састаабыгар онкогинеколог, онкохирург, маммолог, эндоскопист, УЗИ бырааһа үлэлииллэр.
