Бэҕэһээ, олунньу 22 күнүгэр Орто Халымаҕа сороҕо көһөрүллүбүт уопсай дьиэҕэ тахсыбыт баһаарга дьахтар суорума суолламмыт. Бу туһунан ЫБММ өрөспүүбүлүкэтээҕи салаатын пресс-сулууспата иһитиннэрэр.
«Баһаарынай-быыһыыр горнизон бастакы бөлөҕө тиийиитигэр уот дьиэ сарайын ылбыт. Дьиэттэн биэс киһи эвакуацияламмыт», —диэн этиллэр.
Быһылаан оннугар дьахтар өлүгэ көстүбүт. Баһаар түмүгэр дьиэ уопсайа 150 квадратнай миэтэрэ иэнинэн эмсэҕэлээбит.
Быһылаан тахсыбыт биричиинэтин быһаарыыга оннугар ЫБММ дознавателлэрэ, ону тэҥэ силиэстийэлиир кэмитиэт силиэдэбэтэллэрэ уонна криминалистар үлэлииллэр. Хаарбах дьиэттэн көһөрүү боппуруостарынан улустааҕы хамыыһыйа мунньаҕа ыытыллыаҕа.
