Орто Халыма Сыбаатай нэһилиэгэр дьонноох, баһаары умуруорар тэриллээх бөртөлүөт көтөрүн туһунан өрөспүүбүлүкэҕэ нэһилиэнньэ куттала суох олоҕун хааччыйар Судаарыстыбаннай кэмитиэтин бэрэссэдээтэлэ Дмитрий Лепчиков эттэ. Бу туһунан өрөспүүбүлүкэ бырабыыталыстыбатын пресс-сулууспата иһитиннэрэр.
Орто Халыма улууһун Сыбаатай нэһилиэгэр баһаары умуруорууга күүстээх үлэ ыытыллар. Уот минерализованнай балаһаҕа нэһилиэнньэттэн 700 миэтэрэ сиргэ кэлэн тохтообут. Тыалтан күөдьүйбүт атын баһаар арҕаа диэки барбыт.
«Сарсын, от ыйын 28 күнүгэр Орто Халыма-Сыбаатай маршрутунан бөртөлүөт көтүөҕэ. Нэһилиэнньэҕэ олохтоох дьон түмсүүтэ, Орто Халыма оройуонун баһаары утары охсуһар сулууспа үлэһиттэрэ састааптаах бөлөҕү тиэрдиэҕэ», диэтэ кини. Буруо бөртөлүөт үлэлииригэр ыарахаттары үөскэтэр, ол эрэн балаһыанньа хонтуруолланар. Оройуоҥҥа ыксаллаах быһыы-майгы эрэһиимэ уһуллубат.
