Саха сирин оскуолатын оҕолоро уонна устудьуоннара Аҕа дойду Улуу сэриитигэр Кыайыы 80 сылыгар анаммыт бүтүн Россиятааҕы аһаҕас кибер-турнирга «Неизвестная война» кыттыахтарын сөп.
Онлайн-турнир формата:
Турнир марафон курдук ыытыллыаҕа:
• Саҕаланар кэмэ: муус устар 18 күнүгэр 08:00 ч.
• Түмүктэнэр кэмэ: муус устар 19 күнүгэр 08:00 ч.
Оонньуур былатформаҕа сигэ турнир иннинэ биир күн иннинэ ыытыллыаҕа.
• Түмүктэри биллэрии: муус устар 24 күнүгэр.
Кыттыыга 14-тэн 23-гэр диэри саастаах эдэр дьон ыҥырыллаллар. Соҕотоҕун эбэтэр 1-тэн 5-кэ диэри киһилээх хамаанданан кыттыахха сөп. Биир үөрэх тэрилтэтиттэн хамаанда ахсаана хааччахтаммат.
Тэрийээччилэр бэлиэтииллэринэн, турнир кэмигэр кыттааччылар устуоруйа чахчыларын кытта билсиэхтэрэ, информацияны көрдүүр уонна сорудахтары быһаарар саҥа ньымалары баһылыахтара, информационнай технологиялар уонна куттал суох буолуутун эйгэтигэр олохтоох сатабыллары ылыахтара. Ону кытта сэрии сылларын хорсун быһыыларын уонна бэлиэ түгэннэрин туһунан билиэхтэрэ.
Оонньуур былатформа биир суукка устата тохтобула суох үлэлиэҕэ, ол хас биирдии хамаандаҕа сорудахтары быһаарарга уонна сынньанарга бириэмэни бэйэлэрэ талалларыгар кыаҕы биэриэҕэ. Үөрүйэх хамаанда сорудахтары 4-5 чаас иһигэр толорор.
Кыайыылаахтары уонна бириистээх миэстэни ылбыттары дипломнар, кубоктар уонна өйдөбүнньүк бириистэр күүтэллэр. Учуутал-уһуйааччыларга махтал суруктар туттарыллыахтара, оттон бары кыттааччылар электроннай сэртипикээттэри ылыахтара.
Муус устар 15 күнүгэр диэри регистрацияланыахха сөп.
Официальнай сайт: https://победа-80лет.рф
Быһаччы сигэ: https://aciso.timepad.ru/event/3422095/
Хаартыска: победа-80лет.рф саайтан
