Быйыл Россияҕа кулун тутар 15 күнүттэн балаҕан ыйын 30 күнүгэр диэри «Останови огонь!» баһаары утары хампаанньа ыытыллар. Бу айылҕаҕа киһи буруйуттан тахсар баһаары аччатарга уонна кураанах оту өттөөһүнү сэрэтэргэ аналлаах хампаанньа.
Статистика көрдөрөрүнэн, ойуур баһаардарын 70% кэриҥэ быраһыана киһиттэн тахсар. Саас уонна күһүн тахсар баһаардар биричиинэлэрэ — тыа хаһаайыстыбатын сирдэригэр, даачаҕа уонна да атын сирдэргэ кураанах оту хонтуруола суох өртөөһүн.
Хампаанньа чэрчитинэн нэһилиэнньэҕэ иһитиннэрэр-быһаарар үлэ күүһүрүөҕэ. Дьоҥҥо-сэргэҕэ баһаар куттала суох быраабылаларын тутуһар наадатын быһаарыахтара, сокуону кэһиигэ эппиэтинэһи сүгүүнү кэпсиэхтэрэ, ону тэҥэ киһи көрүүтэ суох ойуурга хаалларбыт уоту уонна кураанах оту уматааһын кутталын сырдатыахтара.
Хаартыска: sakha.gov.ru
