Сунтаарга «Алмаастаах провинция» улуустарын финансовай управлениеларын көрсүһүүлэрэ ыытылынна.
Манна барыта 6 улуустан Бүлүүттэн, Үөһээ Бүлүүттэн, Ньурбаттан, Ленскэйтэн, Миирнэйтэн хамаанда тэринэн кэллилэр.
Үтүө үгэскэ кубулуйбут сыллааҕы көрсүһүүгэ финансистар салгыы ситимнээхтик үлэлииргэ былаан ылыналлар, уопут атастаһаллар. Уонна сүрүнэ үп министиэристибэтин бэрэстэбиитэллэрэ олус наадалаах семинары ыыттылар.
Маны тэҥэ, өй-мэйии үлэтигэр сылдьар дьон спортивнай күөн көрсүһүүгэ кииристилэр. Оҕунан ытыыга, хабылыкка, хаамыскаҕа, воллейболга уонна көрдөөх стартка күрэхтэстилэр. Күрэх түмүгүнэн Сунтаардар бастакы миэстэни ситистилэр. Иккис миэстэҕэ Бүлүүлэр таҕыстылар. Оттон Ньурбалар үһүс миэстэни ыллылар.
