ПАО «Ленское объединенное речное пароходство» генеральнай дириэктэрэ Сергей Ларионов СӨ баһылыгар Айсен Николаевка уу суолун аһыллыытыгар бэлэмнэнии үлэтин, каадырдары бэлэмнээһин уонна устудьуоннар производственнай практикаларын туһунан кэпсээтэ.
«2022 сылга уу суолунан тэрилтэ 1,5 мөл.туонна таһаҕас тиэйдэ. Бу сылга эмиэ улахан үлэ барыаҕа. Манна тэрилтэ уу суолун аһыллыытыгар бэлэмэ уонна каадырдары бэлэмнээһин болҕомтобун тардар», — диэн Ил Дархан Айсен Николаев эттэ.
Каадырдарынан хааччыйыы боппуруоһугар Сергей Ларионов ПАО «ЛОРП» орто анал үөрэх кыһаларын кытта салҕыы үлэлэһэрин бэлиэтээтэ.
«Инникигэ штатка 400 курсаннар ылыллыахтара. Бу устудьуоннарга — үчүгэй практика, оттон биһиги идэлээх үлэһиттэргэ наадыйабыт», — диэн Сергей Ларионов бэлиэтээтэ.
Бу сылга тэрилтэ улахан хампаанньалар тутуу матырыйаалларын таһарыгар улахан үлэ ыытыаҕа.
СӨ баһылыга Сергей Ларионову анал байыаннай дьайыы кыттыылаахтарын өйөөһүнүн иһин махтал тылларын эттэ. Бүгүҥҥү туругунан, ПАО «ЛОРП» сорох үлэһиттэрэ передовойга сылдьаллар. Олортон сороҕо дьоҕус хомуурга хапсан, отоон сорохтор баҕа өттүнэн барбыттар. Тэрилтэ бэйэтин үлэһиттэрин наадалаах оборудованиенан, экипировканан хааччыйар, байыастары кытта ситимин быспат.
