Өлүөнэ өрүһүнэн Аллараа Бэстээхэ диэри дьону, тырааныспары уонна таһаҕаһы тиэйэр паромнар муҥутуур тарифтарын бигэргэттилэр.
Ол курдук, 1,5 туоннаҕа диэри ыйааһыннаах кыра массыналарга тариф 650 солк., 1,501-2,0 туоннаҕа диэри ыйааһыннаах массыынаҕа — 950 солк. Оттон 2,001-2,3 диэри туонналаах массыынаҕа тариф 1100 солк., 2,301 туоннаттан үөһээ ыйааһыннаах массыынаҕа — 1400 солк.
Ыам ыйын 22 күнүгэр «Паромы Якутии» тэрилтэ «Дьокуускай-Аллараа Бэстээх» хайысханан паромнар тырааныспары тиэйэр тарифтарын туһунан бирикээс таһаарбыт. Ыйыллыбыт тарифтар сокуоҥҥа эппиэттээбэттэр уонна таһааччыларга туһаныллыа суохтаахтар. Региональнай уонна федеральнай суолларга киирсэр паромнар тарифтарын СӨ сыана бэлиитикэтин судаарыстыбаннай кэмитиэтэ бигэргэтэр бырааптаах.
Оттон таһаҕаһы тиэйэр тырааныспардар, оптуобустар, анал тиэхиньикэлэр, кутталаах таһаҕастары тиэйэр тырааныспардар тарифтара 2022 сыллааҕынан хаалаллар.
