Ыам ыйын 11 күнүн түүнүгэр Ленскэй оройуонун Пеледуй бөһүөлэгэр Аҕа дойду Улуу сэриитигэр олохторун толук уурбут буойуттарга аналлаах пааматынньык баһаартан эмсэҕэлээтэ. Бу туһунан улуус дьаһалтатын пресс-сулууспата иһитиннэрдэ.
«Баһаар ыам ыйын 10 күнүгэр киэһээ 23:00 чаас кэнниттэн буолла. Кыайыы күнүгэр ууруллубут сибэкки дьөрбөлөрө уонна веноктар уокка былдьаннылар. Маны таһынан, сэрии толоонугар охтубуттар ааттара суруллубут истиэндэ барыта умайда. Саллаат скульптурата кыратык эмсэҕэлээтэ», — диэн иһитиннэриигэ этиллэр.
Саллааттар ааттара олохтоох дьаһалтаҕа хараллан сытар, пааматынньыгы сөргүтүөхтэрэ.
Билиҥҥи туругунан, быһылаан биричиинэтэ быһаарыллар, матырыйаалы полицияҕа тиэрдибиттэр.
