Бүгүн алтынньы 3 күнүгэр «Дьокуускай — Певек» хайысханан көппүт «Sukhoi Superjet» сөмөлүөт туһааннаах сиригэр тиийэн баран, аэропорт көтөр-түһэр балаһатыттан сүүрэн тахсыбыт. Биир да киһи эчэйбэтэх. Бу туһунан Чукуотка автономнай уокуругун ыксаллаах быһыыга-майгыга министиэристибэтэ иһитиннэрэр.
«ЯК9743С» №-дээх сырыы Дьокуускай аэроподуттан олохтоох бириэмэнэн 13.39 чааска көппүт.
«Сөмөлүөт түһүү кэмигэр көтөр-түһэр балаһаттан 5 миэтэрэ кэриҥэ тахсыбыт. Биир да киһи эчэйбэтэх. Пассажирдары үлэ эрэһииминэн сүрүн трабынан түһэрбиттэр. Көтөр аал алдьаныы ылбатах», — диэн этиллэр.
Сөмөлүөт төттөрү кэлэр сырыыта туһааннаах быһаарыы ылылларын кэтэһэн, сарсыҥҥа диэри көһөрүлүннэ.
«Интерфакс» иһитиннэрэринэн сөмөлүөт иһигэр 80-тан тахса пассажир көтөн испит.
