Саха сирин полициялара кэтэхтэн дьону албынныыр түөкүн кимин быһаарбыттар, кини 27 саастаах Санкт-Петербург олохтооҕо эбит.
Уорбаланааччы дьиэни куортамныыр туһунан сымыйа биллэриилэри таһаарбыт. Биллэриини көрөн суруйбут дьонтон түөкүн биэстии тыһыынча солкуобайы эрдэтинэ ыыталларыгар соруйар эбит, оттон кэлин араас сылтаҕынан эбии харчы көрдөөбүт.
Ол курдук Ньурба улууһун полициятыгар икки олохтоохтон үҥсүү киирбит. Кинилэр Сочига уонна Москваҕа кыра сыанаҕа кыбартыыра куортамын биллэриитигэр суруйбуттар. Ону тэҥэ түөкүҥҥэ Дьокуускай олохтооҕо албыннаппыт. Кини төлөпүөн нөҥүө түөкүнү кытта сөбүлэһэн баран сынньанар сиригэр тиийбитэ — аадырыһа суох буолан биэрбит.
Биэдэмистибэ иһитиннэрэринэн, түөкүн буруйун билинэн, албыннаабыт дьонугар матырыйаалынай хоромньу төлөөбүт. Билиҥҥи туругунан кинини кылгас кэмҥэ изоляторга хаайбыттар.
