Россия бэрэсидьиэнэ Владимир Путин уонна АХШ бэрэсидьиэнэ Дональд Трамп төлөпүөн нөҥүө кэпсэттилэр. Ол туһунан Кремль саамай сүрүнүн бэлиэтээтэ:
- Лиидэрдэр Россия уонна АХШ сыһыаннара тупсуохтааҕын бэлиэтээтилэр;
- Россия байыаннай дьайыыга 30 күҥҥэ уоту тохтотор этиигэ хонтуруол өттүгэр боппуруостары киллэрдэ;
- Россия уот тохтуур кэмигэр Украинаҕа мобилизацияны уонна ВСУ сэбинэн-сэбиргэлинэн хааччыллыытын тохтотор наадалааҕын ыйда;
- Украина иирсээнин тохтоторго Россия уонна Америка экспертнэй бөлөхтөрө тэриллиэхтэрэ;
- Путин 30 күннээх эйэ кэмигэр уот инфраструктураларын харыстыыр наадалааҕын ыйда;
- Россия Украинаҕа 23 ыараханнык эчэйбит байыаһын тиэрдиэҕэ;
- Путин уонна Трамп экономикаҕа, энергетикэҕэ бииргэ үлэлэһии инникилээҕин көрдүлэр;
- Путин хоккейга НХЛ уонна КХЛ оонньооччулара кыттыылаах киирсиилэри тэрийэр туһунан көҕүлээһинин Трамп өйөөтө;
- Путин уонна Трамп кэпсэтии түмүгэр сибээскэ сылдьар туһунан дуогабардастылар.
