НВК САХА — 2019 сылга Саха сиригэр дьиикэй табаны бултааһын лимиитэ 21 704 төбөҕө тэҥнэстэ. Бу туһунан Ил Дархан уонна бырабыыталыстыба пресс-сулууспата иһитиннэрэр.
«Өрөспүүбүлүкэҕэ баар дьиикэй таба төбөтүн ахсаана быйылгы көрдөрүүтэ 159 066 төбөҕө тэҥнэстэ: Лено-Оленекскай үөр ахсаана 84 тыһыынча, Сундрунскай үөр — 27 тыһыынча, Яно-Индигирскай үөр — 2-3 тыһыынча, ойуурга сылдьа дьиикэй таба ахсаана — 45 066 төбө», – диэн СӨ Экологияҕа министиэристибэтин бултка департаменын салайааччытын солбуйааччы Анатолий Попов иһитиннэрдэ.
Дьиикэй табаны бултааһынын лимиитин ахсаана үрдээһинэ быйыл ыытыллыбыт Чекановскай сиһин иэнин сөмөлүөтүнэн чинчийии түмүгүнэн, саамай элбэх ахсааннаах Лено-Оленекскай хотугу дьиикэй таба үөрүн төбөтүн ахсаанын чуолкайдааһын түмүгэр оҥоһулунна. 84 тыһыынчаттан тахса ахсааннаах Лено-Оленекскай үөр сылдьар ыыра Анабаар, Өлөөн, Дьааҥы уонна Булун улуустара сүрүннээн бултуур сирдэрэ буолар.
