2023 сылга өрөспүүбүлүкэҕэ олохтоохтор көҕүлээһиннэрин өйүүр бырагыраама куонкуруһугар 1,285 млрд. солкуобай сууммалаах 483 бырайыагы билиһиннэрдилэр.
Уопсастыбаннай инфраструктура сайдыытын бырайыактарыгар хос үбүлээһиҥҥэ сүүмэрдээһин Саха сирин судаарыстыбаннай үбүттэн субсидияны көрөргө ыытыллар. Субсидия көрүллэригэр туруоруллубут бырайыактар уопсай сууммалара 930,3 мөлүйүөн солкуобай. Киирбит сайаапкалар орто сыаналара 2,7 мөлүйүөн солкуобай, субсидияҕа орто наадыйыы — 1,9 мөлүйүөн солкуобай.
2020 сылтан «One Click Yakutia» биир кэлим цифровой платформаҕа докумуоннары электроннай көрүҥүнэн толороллор.
«Өрөспүүбүлүкэҕэ олохтоохтор көҕүлээһиннэрин өйүүр бырагыраама куонкуруһугар Амма, Анаабыр, Бүлүү, Үөһээ Бүлүү, Горнай, Эдьигээн, Кэбээйи, Мэҥэ Хаҥалас, Нам, Сунтаар, Томпо, Уус Алдан, Чурапчы, Эбээн Бытантай оройуоннара уонна Дьокуускай, Жатай муниципальнай үөрэхтэрин тэрилтэлэрэ көхтөөхтүк кытталлара үөрүүлээх», — диэн СӨ үп-харчы миниистирин солбуйааччы Гаврил Алексеев эттэ.
Биэдэмистибэлэр икки ардыларынааҕы куонкуруснай хамыыһыйа мунньаҕа ахсынньы бүтүүтэ ыытыллыаҕа. Манна субсидия көрүллүүтүн туһунан быһаарыынын ылыахтара.
