Өрөспүүбүлүкэҕэ Кангаласс бөһүөлэгин оройуонугар орто анал үөрэхтээһин биир кэлим кампуһун тэрийии бырайыага оҥоһуллар. Бу туһунан Ил Дархан Айсен Николаев «Саха сирэ, иннин диэки!» («Якутия, вперед!») биэрии кэмигэр иһитиннэрдэ.
«Манна биһиги профессиональнай колледжтарбытын таһаарарга уонна Россия үрдүнэн биир бастыҥ биир кэлим кампуһу оҥорору былаанныыбыт»,- диэн Айсен Николаев эттэ
Бырайыак Россия үөрэҕириигэ миниистирин уонна кэккэ исписэлиистэр өйөбүллэрин ылбытын Ил Дархан бэлиэтээтэ. Инникитин бу бырайыак үрдүк таһымнаах орто анал үөрэхтээһин киинэ буолуон сөп.
«Бырайыак олоххо киириитэ Дьокуускай куоракка кэккэ эбийиэктэри босхолуурга көмөлөһүөҕэ. Өрөмүөн кэнниттэн олору оскуолаларга биэриэххэ сөп, бу киин куоратын элбэх үөрэнээччилэх оскуолаларын ноҕуруускаларын аччатыы боппуруоһун быһаарарга көмөлөһүөҕэ», — диэн өрөспүүбүлүкэ баһылыга кэпсээтэ.
