Саха сиринээҕи ректордар сэбиэттэрэ Дьокуускайга 68-с кыбаарталга аан дойду таһымнаах суперкампус оҥорорго сайаапканы ыытыахтара. Бу туһунан ХИФУ ректора Анатолий Николаев иһитиннэрдэ.
Ректордар сэбиэттэригэр өрөспүүбүлүкэ үрдүк үөрэх кыһалара — ХИФУ, ЧГИФКиС, ВШМ, АГИИК, ЯИВТ уонна АГАТУ киирэллэр. Бырайыак быһыытынан, суперкампус уопсай иэнэ 89 тыһыынча квадратнай миэтэрэ. Манна лабораторнай куорпустар, уопсайдар, мастарыскыайдар, коворкинг-кииннэр киириэхтэрэ.
«Суперкампус биир кэлим үөрэх, наука, култуура, уопсастыба эйгэтэ буолуоҕа. Саха сирин үөрэҕин олох атын таһымҥа таһаарыаҕа», — диэбит ректор Анатолий Николаев.
2022-2030 сылларга Россияҕа аныгы үөрэх кампустарын оҥоруу үлэтэ ыытыллыаҕа.
