Быйылгыттан ХИФУ Россия Хотугулуу-Илиҥҥи норуоттарын тылларын уонна култуураларын үнүстүүтэ төрөөбүт тыл олимпиадатын иилээн-саҕалаан ыытар быраабы ылла. Бу туһунан үнүстүүт дириэктэрэ Гаврил Торотоев иһитиннэрэр.
«Биһиги үнүбэрситиэппит быйылгыттан Россия үрдүнэн төрөөбүт тыл олимпиадатын иилээн-саҕалаан ыытар быраабы ылла. Онон ити олимпиада чэрчитигэр саха тылыттан ураты чэчиэн, башкир, татаар уонна аҕыйах ахсааннаах омуктар тыллара киирдэ», — диэтэ кини.
Манна бастаабыт уонна миэстэлэспит оҕолор нуучча тылыгар эбэтэр литературатыгар 75 баалтан үрдүгү ыллахтарына, үнүстүүт педагогическай, историческай, психологическай хайысхаларыгар быһа киирэр быраабы ылаллар.
