Саха сирин Сокровищницатыгар РФ Дьоруойа Андрей Григорьевка 25 тахса карат ыйааһыннаах кини аатын сүгэр алмаас таас копиятын үөрүүлээх быһыыга туттардылар.
Алмаастарга 11 Россия Дьоруойун аатын иҥэрдилэр: Николай Евдокимов, Филипп Евсеев, Дмитрий Егоров, Андрей Григорьев, Петр Киприянов, Александр Колесов, Дмитрий Куценко, Родимир Максимов, Алексей Неустроев, Николай Соболев уонна Игорь Юргин.
Күндү таастар пааспардаахтар, СӨ күндү металларын уонна таастарын судаарыстыбаннай пуондатыттан талыллыбыттар.
Тэрээһиҥҥэ СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов, СӨ үбүн миниистирин эбээһинэһин толорооччу Иван Алексеев, ону тэҥэ Тута биир дойдулаахтара уонна чугас дьонноро кыттыыны ыллылар.
«Улуу дьон аатын күндү таастарга иҥэрэллэрин билэр этим да, мин аатым эрэ иҥиэ диэн күүппэтэҕим даҕаны. Олус диэн соһуйдум уонна үөрдүм. Дьиэ кэргэним, чугас дьонум үөрүүлэрэ муҥура суох. Бу үйэлэр тухары өйдөбүнньүк быһыытынан биһигини кытта хаалыаҕа. Биһиги оҕолорбут, сиэннэрбит, хос сиэннэрбит маннык дьон олоро сылдьыбыттара диэн билиэхтэрэ-көрүөхтэрэ. Бу олус суолталаах дьоһун бэлиэ буолар», – диэн Россия Дьоруойа Андрей Григорьев эттэ.
РФ Дьоруойдарын ааттарын сүкпүт алмаастар судаарыстыбаннай пуондаҕа хаалыахтара.
Хаартыска: Саргын Скрябин / СИА
