РФ Үөрэҕириитин министиэристибэтэ 2021 сылга ОГЭ, ЕГЭ ыытыллар биир кэлим былаанын барылын билиһиннэрдэ. Бу туһунан ТАСС иһитиннэрэр.
2021 сылга биир кэлим эксээмэн үс түһүмэҕинэн ыытыллыаҕа: эрдэ туттарыы — кулун тутар 22 күнүттэн муус устар 16-гар диэри, сүрүнэ — ыам ыйын 24 күнүттэн от ыйын 1 күнүгэр диэри, эбии туттарыы — балаҕан ыйын 3 күнүттэн 17 күнүгэр диэри. Эксээмэн барыта 10:00 чаастан саҕаланыаҕа.
Сүрүн судаарыстыбаннай эксээмэн эмиэ үс түһүмэҕинэн ыытыллыаҕа: эрдэ туттарыы — муус устар 20 күнүттэн ыам ыйын 14 күнүгэр диэри, сүрүнэ — ыам ыйын 21 күнүттэн от ыйын 1 күнүгэр диэри, эбии туттарыы — балаҕан ыйын 3 күнүттэн 22 күнүгэр диэри.
2020 сылга коронавирус тарҕамматын туһугар 11-с кылаастар эксээмэннэрэ көһөрүллүбүтэ, онтон 9-с кылаастарга ОГЭ буолбатаҕа, түмүк сыана сыллааҕы сыананан турбута.
