Бытовой счетчиктары бэрэбиэркэлээһин соҕотох юридическай күүстээх туоһутунан электроннай регистрация буолуоҕа. Бу туһунан ТАСС иһитиннэрэр.
«Саҥа олохтоммут быраабылалар бэрэбиэркэ түмүктэрин уонна кээмэйдээһин тииптэрин бигэргэтии электроннай регистрациятын приоритетын олохтууллар. Кини метрологическай үлэлэр юридическай күүһүн аҥардас туоһуларынан буолуоҕа», — диэн Росстандарт баһылыгы Алексей Абрамов эттэ.
Ылыллыбыт дааннайдары биир кэлим кээмэйдэри хааччыйар федеральнай информационнай фондаҕа киллэриитэ суох («Аршин» ФГИС) метрологическай үлэ түмүгэ учуоттаммат буоларын бэлиэтээтэ. Онуоха Росстандарт олохтоохторго 2021 сыл саҥатыгар счетчиктары бэрэбиэркэлээһини эрдэттэн былаанныырга сүбэлээтэ. Быйыл саас Россия бырабыыталыстыбата бары былааннаммыт бэрэбиэркэлэри эһиилги сылга көһөрбүтэ.
«Гражданнар эбии туох да дьаһаллары ылыналлара наадата суох. «Аршин» ФГИС үлэтин кытта билсиэхтэрин, кини хайдах үлэлиирин өйдүөхтэрин уонна бэйэлэрин прибордарын нүөмэрин бэрэбиэркэлиэхтэрин эрэ сөп», — диэн Алексей Абрамов иһитиннэрдэ.
Исписэлиис прибордары оннугар бэрэбиэркэлээн баран, суукка иһигэр үлэ түмүгүн реестрга киллэриэхтээх. Счетчик хаһаайына «Кээмэйдиир тэриллэри бэрэбиэркэлээһин түмүгүн туһунан иһитиннэриилэр» балаһаҕа собуот нүөмэринэн киирэн, бу дааннайдары көрөр кыахтаныаҕа. Систиэмэҕэ киирии барыларыгар аһаҕас.
