Россияҕа ипотечнай кирэдьиит толору сыаната 2021 сыл саҕаланыаҕыттан 0,6 бырыһыан үрдээбит — 8,6%-тан 9,2% диэри. Бу туһунан ТАСС иһитиннэрэр.
Туһааннаах иһитиннэриини агентствоҕа холбоһуктаах кирэдьиит бюрота билиһиннэрдэ.
«Бу үрдээһин сыл саҕаланыаҕыттан 2,5 бырыһыанынан улаатыаҕыттан уонна чэпчэтиилээх ипотека бырагыраамата уларыйбытынан барда: бу бырагыраама от ыйыттан Москва уонна Санкт-Петербург курдук улахан куораттарга быһа холоон үс мөл. солк. кирэдьиити ыларга хааччах үөскээн, кыаллыбат буолла», — диэн бюро иһитиннэриитигэр этиллэр.
Балаҕан ыйыгар ипотечнай кирэдьиит толору сыаната ортотунан 9,1 %- тан 9,2 %- ҥа диэри үрдээтэ.
Бюро көрдөрүүтүнэн, Россия хамсаабат баай-дуол сыанатын орто кээмэйэ балаҕан ыйыгар 96 тыһыынча солкуобайынан улааппыт — 2,89 мөл. 2,99 мөл. солк. диэри. Сыл саҕаланыаҕыттан ипотечнай кирэдьиит орто суумата 261 тыһыынча солкуобайынан улаатта.
