Дойду олохтоохторугар коронавирустан харыстанар араас ньыма, сүбэ-ама биэрэр, ыарыы тарҕаныытын сэрэтэр ис хоһооннноох иһитиннэриилэри оҥорорго стопкоронавирус.рф анал интернет сайт үлэтин саҕалаата. Бу туһунан Россия вице-премьера Дмитрий Чернышенко иһитиннэрбитин, ТАСС тириэрдэр.
«Сүрүн соругунан — коронавирус ыарыыттан сэрэтэр дьаһаллар тустарынан нэһилиэнньэҕэ киэҥник тарҕатыы, сымыйа сурахтары хардарыы буолар. Хамыыһыйа үлэтин туһунан иһитиннэриилэр биир кэлим порталга түмүллүөхтэрэ», — диэн вице-премьер эттэ.
Бу сайтка «Россияҕа уонна аан дойдуга олохтоммут балаһыанньа дьиҥ чахчы туруга көстүөҕэ» диэн Дмитрий Чернышенко бэлиэтээтэ.
Ону тэҥэ 8-800-2000-112 нүөмэрдээх босхо суһал линия үлэтин саҕалаата.
