Саха сирин боксера Василий Егоров, Екатеринбург куоракка буола турар, Россия боксаҕа хамаанданан кубогар бэйэтин киирсиитигэр кыайда.
Спорт үтүөлээх маастара Киин федеральнай уокурук сүүмэрдэммит хамаандатын састаабыгар, Кемеровскай уобаластан сылдьар сибиирдээҕи федеральнай уокуруктан кыттар Альберт Руденяны кыайда.
Киирсии 5:0 ахсаанынан түмүктэннэ.
Маны таһынан, бүгүн Уһук Илиҥҥи уонна Урааллааҕы федеральнай уокуруктар хамаандалара күөн көрсүөхтэрэ. Уһук Илиҥҥи хамаанда састаабыгар түөрт саха боксера киирдэ: Талбан Егоров (49 кг) Данил Лысенконы кытта утары көрсүөҕэ, Николай Григорьев (52 кг) Расул Джааевтыын, Виталий Стручков (60 кг) — Евгений Ляшковтыын утары көрсүөхтэрэ.
52 киилэҕэ диэри ыйааһыҥҥа Санкт-Петербург хамаандатын аатыттан Россиятааҕы ыччат чемпионатын үрүҥ көмүс призера Евгений Мартынов кыттыаҕа.
Маны таһынан, Соҕуруу федеральнай уокурук аатыттан Саха сириттэн сылдьар Михаил Прокопьев рингэҕэ тахсыаҕа.
